Hagstofan vinnur ýtarleg gögn um mannfjöldann og breytingar hans í samræmi við íbúaskrá Þjóðskrár Íslands 1. janúar ár hvert. Hagstofan birtir einnig tölur um mannfjöldann miðað við 1. desember og bráðabirgðatölur fyrir hvern ársfjórðung. Þá birtir Hagstofan tölur um breytingar mannfjöldans, fjölda fæddra og dáinna, um hjónavígslur og skilnaði, um búferlaflutninga, ríkisfangs- og trúfélagsbreytingar, auk ættleiðinga.